Öskufall í Reykjavík

Þéttbýlið hér á Reykjavíkursvæðinu er í ca 120 – 130 km fjarlægð frá Eyjafjallajökli. Við ákveðin skilyrði gæti orðið öskufall hér og þá einnig í kauptúnum fyrir austan fjall sem eru enn nær gosinu. Samkvæmt langtíma veðurspsá gæti þetta gerst um næstu helgi. Séu kornin í öskunni jafn illskeytt og lýst hefur verið - hrjúfar glerflísar sem hugsanlega skaða lungu fólks - þá kann að vera um mjög alvarlegt mál að ræða sem heilbrigðisyfirvöld hljóta að bregðast við. Vonandi er að til sé nægjanlegt magn af rykgrímum í verslunum hér, eða  e.t.v. hjá Landlækni og Almannavörnum. Hvað með börn í skólum og á leikskólum, ætli að til sé áætlun um varnir þeirra ef til kemur ?

Það er sérkennilegt að fjölmiðlar virðast ekki gefa þessu atriði gaum þrátt fyrir mikla og góða umfjöllun um gosið og afleiðingar þess.

 Haukur Brynjólfsson 

Dregur úr gosvirkni

Athugasemdir

[Magnús Þór Hafsteinsson, 18.4.2010 kl. 21:52]

Já, það er eins og enginn þori að tala um þetta.  Hef líka furðað mig á þessu.

[SeeingRed, 18.4.2010 kl. 23:45]

Maður myndi ætla að börn þyrftu ekki í skóla og íþróttaæfingum og öðru yrði aflýst á ef að óþverrin berst yfir borgina, það er ekki aftur tekið að anda þessu að sér og getur haft alvarlegar afleiðingar seinna á lífsleiðinni. En það virðist vissulega enginn vera  að spá í þessu eða undirbúa fólk undir að öskufall gæti orðið víða um land ef vindáttir breytast.

[Sigurður Haraldsson, 18.4.2010 kl. 23:56]

Þetta kallast andvaraleysi!

Menn tryggja ekki eftirá, ef mikil aska fellur í Reykjavík mun að hafa verulegar afleiðingar.

Hvar eru stjórnvöld nú?