Neyðarbúnaður í vögnunum

Þessi frétt gefur tilefni til að spyrja yfirstjórn strætisvagnanna hvernig öryggi farþega er tryggt í vögnunum í því tilvilki að eldur komi upp og stýringar á hurðum verði óvirkar þannig að ekki sé hægt að opna þær. Í flestum strætisvögnum hér má sjá festingar fyrir hamra sem  ætlaðir er til þess að fólk geti brotið sér leið út um glugga vagnanna í neyðartilvikum. Vandinn er bara sá að hamrarnir hafa verið fjarlægðir úr festingunum. Hvers vegna er  það ?

Fyrir löngu síðan kom ég þar að sem að almenningsvagn hafði brunnið að hluta til. Þetta leit ekkert mjög illa út við fyrstu sýn, það var búið að slökkva í vagninum og hann var ekki í rúst. Samt létust þarna tólf eldri borgarar, farþegar í vagninum, þeir höfðu ekki  komist út  því ekki var hægt að opna hurðirnar. Það varð einmitt niðurstaða rannsóknar á þessu slysi að við eldsvoðann hefði stýringar á hurðunum strax orðið óvirkar.   

Þessi atburður varð erlendis.  E.t.v. getur slíkt gerst hér. Eða hvað ? Sem farþegi SVR velti ég því stundum fyrir mér enda er varla meira en eitt ár síðan sagt var frá áþekku slysi í Þýskalandi þar sem farþegar létust í brennandi almenningsvagni sem þeir komust ekki út úr.  Haukur Brynjólfsson

Strætisvagn í ljósum logum

Athugasemdir

[Vilhjálmur (IP-tala skráð) 15.10.2009 kl. 18:09]

Það er nú talsvert langt síðan ég hef komið í strætó en síðast þegar ég vissi var áberandi rauður öryggissnerill fyrir ofan allar hurðir til að opna þær handvirkt.  Það er svo annað mál hvort menn muni eftir því þegar á reynir en ég sé ekki að hægt sé að gera þetta mikið betur.  Varðandi neyðarhamrana til að brjóta rúðurnar þá efast ég ekki um að þeir hverfa af völdum fingralangra farþega en ekki stjórnenda Strætó. 

[Hermann Karl Björnsson, 16.10.2009 kl. 00:04]

ég er nokkuð viss um að í flestum vögnum þá eru hamrarnir núna geymdir í klefanum hjá bílstjóranum allavega sá ég nokkra þar um daginn og það voru festingar fyrir hamra sem hafði verið rænt

þessir rauðu snerlar fyrir ofan hurðarnar taka þrýstingin sem að heldur hurðunum lokuðum af kerfinu og þannig er hægt að opna þær handvirkt.

en hinsvegar hef ég tekið eftir því að í nokkrum vögnum eru tóm slökkvitæki...
og einusinni benti ég á það og þá var bara sagt "so?" eftir það þá hef ég sleppt því þar sem að maður býst alveg við sama svari aftur.