Ekki á verksviði embættismanna

8.1.2010 | 22:15

Ekki á verksviði embættismanna

Embættismennirni Gylfi og Már ættu endilega að halda sig utan við pólitísk úrlausnarefni. Þeir hafa ekki verið kjörnir til slíkra verka. Nú má gera sér vonir um að Icesave-málinu verið lent í samvinnu allra flokka á þinginu. Það er hin eina ásættanlega lausn á málinu. Umskiptin urðu þegar forsetinn tók til sinna ráða og hafnaði undirskrift. Hann steig líka fram og talar nú máli Íslendinga á erlendum vettvangi. Hann talar enga tæpitungu enda má þegar sjá árangur af aðkomu hans að málinu. Slíkan talsmann hefur okkur svo sárlega vantað alla þessa ömurlegu ,,Icesave-tíð". Vonandi hafa menn nú vit á að hverfa frá þeirri ,,lausn" sem sem kúin var í gegn um þingið með 3ja atkvæða meirihluta og er arfaslæm.

Að þessir tveir umboðslausu embættismenn leggist í vörn fyrir það klúður verður ekki þolað.

Haukur Brynjólfsson

Flokkur: Stjórnmál og samfélag | Facebook

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Þjóðarskömm.

Höfundur

Haukur Brynjólfsson

Að tala um gjafakvótann er ekkert bull.Þótt margir sem nú starfa í sjávarútvegi hafi keypt sínar veiðiheimildir þá hafa þeir einmitt keypt þær af mönnum sem fengu þessa verðmætu sameign þjóðarinnar gefins. Undanfarna mánuði hefur verð á leigukvóta í þorski verið um 190 kr/kg en þorskverð á markaði um 280 kr/kg. Sjómaður sem kaupir slíka veiðiheimild hefur þannig um 90kr/kg fyrir að sækja fiskinn á miðin og til þess að greiða kostnað við bát og veiðarfæri. Kvóta,,eigandinn" getur setið á kontórnum og tekið sínar 190 krónur af hverju kílói sem sjómaðurinn landar. Þannig er kvótabraskið. Þessi þáttur kerfisins er þjóðarskömm sem við verðum að komast út úr. Það er vel hægt að stjórna fiskveiðum án þessa fyrirkomulags. Þá er höfuðatriði að gleyma því ekki að þóðin öll á nýtingarréttinn á fiskimiðunum.